Դեվելոփվեյ ընկերությունն առաջարկում է վեբ արդյունաբերության բոլոր ճյուղերի փաթեթային և ամբողջական լուծումներ: Սկսած ինտերնետային շուկայի ուսումնասիրումից և կայքերի պատրաստումից մինչև ինտերնետային մարքեթինգի բազմաբնույթ գործիքների գործածումը ի սպաս են դրվում մեր հաճախորդներին: Մեր ընկերություն այցելելիս յուրաքանչյուրը ստանում է կարևոր հարցի պատասխանը.
Ինչպիսի սայթ պետք է ունենա, որպեսզի կարողանա լուծել իր առջև դրված խնդիրները:
Այնուհետև Դուք ունենում եք Ձեր պահանջմունքների բավարարմանը համապատասխանող կայք:
Կայքի շահագործումից հետո կարող եք խորհրդատվություն ստանալ Ձեր կայքի առաջխաղացման վերաբերյալ կամ այն հանձնարարել մեզ:
ՈՐՈՆՄԱՆ ՀԱՄԱԿԱՐԳՈՒՄ ՕՊՏԻՄԱԼԱՑՈՒՄ (Search Еngine Оptimization )
Որոնման համակարգի նկատմամբ (համակարգում) օպտիմալացումը (Search Еngine Оptimization) վեբ արդյունաբերության գլխավոր ուղղություններից մեկի` ինտերնետային մարքեթինգի կարևորագույն ճյուղն է, որի միջոցով ապահովվում է կայքի առաջատար դիրքը հանրահայտ որոնող համակարգերում:
Ինտերնետում միայն կայքի առկայությունը բնավ էլ չի նշանակում, որ այն «աշխատում է» Ձեզ համար: Անհրաժեշտ է ունենալ այնպիսի կայք, որը հնարավոր է գտնել միլիոնավոր այլ կայքերի մեջ: Միայն այս դեպքում Ձեր կայքը կարող է որևէ գործառույթ իրականացնել: Հետևաբար, կարևորագույն խնդիրը Ձեր կայքը ճանաչելի դարձնելն է, իսկ դա հնարավոր է եթե աշխարհում հայտնի որոնող համակարգերում (օրինակ Google-ում) բանալի բառերով (keywords) փնտրում իրականացնելիս յուրաքանչյուր ոք կարողանա հայտնաբերել Ձեր կայքը: Որոնող համակարգերն են հիմնականում ապահովում կայքը հաճախորդներով և յուրաքանչյուր կայք այդ համակարգերում ունի իր վարկանիշը: Կայքի վարկանիշը կախված է բազում գործոններից և վարկանիշի բարձրացման համար յուրաքանչյուրն իր կայքում իրականացնում է բարեփոխումներ, որոնցից կարևորագույնը որոնման համակարգում օպտիմալացումն է: Այսինքն, կայքում կատարվում են օպտիմալացումներ, որպեսզի որոնող համակարգերում բարձրանա նրա վարկանիշը: Բանալի բառերի նախընտրելի ցանկի կազմում, յուրաքանչյուր էջի ճիշտ անվանման ընտրություն, տեքստերի, վերնագրերի և ենթավերնագրերի փոխկապակցված գործածում և այլն: Ահա այն գործողությունների շարքի մի փոքր մասի թվարկումը առանց որի անհնար է վիրտուալ աշխարհում ապահովել որևէ կայքի բարձր վարկանիշը:
Այսպիսով. Ձեր կայքը կարող է իրականացնել իր առաքելությունը, եթե բարձր է նրա հանրաճանաչության աստիճանը: Վիրտուալ աշխարհում այդպիսի հաջողության հնարավոր է հասնել միայն նպատակաուղղված ինտերնետային մարքեթինգի շնորհիվ, որի կարևորագույն ճյուղը` գործիքը որոնման համակարգում օպտիմալացումն է (SЕО):
